الطفل ده دخل عمليات وعمره تلت أيام بس!
وصلنا نجل مدام شيماء فتحي وهو تعبان جدًا وعنده قيء مستمر ورافض يرضع تمامًا.
وللأسف بدل ما أهله يكونوا مبسوطين بالمولود الجديد كانت نظرات القلق والخوف مالية وشوشهم.
لكن لحسن حظه قدرنا بمساعدة فريق مستشفى أطفال مصر نتعامل بسرعة مع الحالة ونعمل الفحوصات اللازمة ونشخص إصابته بانسداد الإثنى عشر، ودي مشكلة شائعة عند الرضع وبتسببلهم مشاكل كتير لو متعالجتش صح.
وعلى طول دخل الطفل العمليات في الوقت المناسب قبل ما يحصله أي مضاعفات وطلع منها متعافي تمامًا ومع الوقت بدأ يرجع لطبيعته من تاني.
وبكدا قدرنا ننقذه ونرجع الفرحة لقلب أهله إللي ملحقوش يفرحوا بيه من وقت ولادته بمساعدة الفريق المتميز في مستشفى أطفال مصر
د. هاني هواش رئيس قسم الحضانات
د. لبنى عبد العزيز نائب رئيس قسم الحضانات
د. ماجد خير الله أخصائي جراحة الأطفال
د. محمد بكر طبيب مقيم جراحة الأطفال
د. وليد منصور إستشاري التخدير
د. هشام محمد طبيب مقيم تخدير
م. عبير عبد الموجود مشرفة قسم العمليات
ا. أحمد رضا تمريض العمليات
